Ék vyl ekky hafa þesa útlendínga héddna afþvý að þeyr kuna ekky íslensgu.

Þá er ég komin í jólafrí. Mætti nú samt segja að ég væri búin að vera í jólafríi frá því í ágúst. Svona næstum því, fyrir utan það að ég fór í skólann 3 í viku í 2 klst í senn.

Ég er búin að ná öllum áföngunum sem ég tók í fjarnáminu, þá á eftir að koma í ljós hvort ég hafi náð þeim áföngu sem ég var í kvöldskólanum. Stærðfræði, Saga og Þýska. Ég er ekkert ofboðslega bjatsýn á það, en maður vonar það besta.

Í gærkvöldi fór ég í seinasta prófið. Þýsku. Ég var hérna heim allann daginn að læra og læra og titra af stressi. Vá! hef aldrei verið svona stressuð. En svo koma það bara að lokum að ég vissi miklu meira en ég hélt. Held ég. Þetta á allt eftir að koma í ljós, ætla ekki að vera að koma með einhverjar væntingar og verða svo vonsvikin. Reyndar verð ég vonsvikin ef ég fell. Mjög vonsvikin.

En umræðan í þjóðfélaginu upp á síðkastið eru útlendingarnir. Að það sé svo pirrandi að hafa þá hérna því þeir kunna ekki íslensku. En erum við e-ð skárri sjálf? Það held ég ekki. Við slettum ofboðslega mikið. Breytum orðum eins og það hentar okkur og kunnum ekki þessar helstu reglur, y regluna, ng og nk regluna nn og n regluna o.fl.

Ástæða þess að ég tala um þetta núna er sú að ég sá auglýsingu í sjónvarpinu um daginn frá Kaupfélaginu, þar kom stórum stöfum á skjáinn DÁLDIÐ flottir skó. HA? Dáldið er ekki til. Ég er alveg viss um að ef þú flettir því upp í orðabók þá finnur þú ekki þetta orð, og ef þú finnur það, þá merkir það pottþétt ekki það sem höfundur þessarar auglýsingar var að meina. 

Dáldið = Dálítið. 

Ék vyl ekky hafa þesa útlendínga héddna afþvý að þeyr kuna ekky íslensgu.

 Asnar!